Li gorî daxuyaniya Rêxistina Tenduristiyê ya Cîhanê, kesekî ku 27’ê Gulanê ji nexweşxaneyê derket, yekem nexweş bû ku piştî destpêkrina şewbê li dû du testên negatîf rehet bû û li mala xwe vegeriya. Rayedaran gotin, nexweş careke din vegeriya nava civakê.
Şewba heyî ji ber varyanta Bundibugyo ya vîrûsa Ebolayê ye. Ji bo vê varyantê hîn derzî yan jî rêbazeke taybet a dermankirinê ya erêkirî nîne. Şewb 15’ê Gulanê li eyaleta Ituri ya li bakurrojhilatê welêt hatibû ragihandin.
Li gorî daneyên Rêxistina Tenduristiyê ya Cîhanê, heta 24’ê Gulanê li welêt 906 nexweşên bi gumaniya vîrûsa Ebolayê û 223 mirinên ji ber heman sedemê hatin qeydkirin.
Pispor dibêjin, di nava 50 salên dawî de li seranserê Efrîkayê ji ber Ebolayê herî kêm 15 hezar kesî jiyana xwe ji dest dan.
