Girtiyê nexweşê giran Mehmet Emîn Çam ê 61 salî li Girtîgeha Girtî ya Tîpa T a Beşîrî ya Êlihê girtî ye, di 16’ê Nîsanê de krîza dil derbas kir, rakirin Nexweşxaneya Lêkolîn û Perwerdehiyê ya Êlihê û li wir dihat dermankirin. Çam di 22’yê Nîsanê de dîsa birin girtîgehê.
Şîmel Çam derbarê mijdarî de axivî û diyar kir ku bavê wê dîsa birine girtîgehê û wiha got: “Bijîşkan digotin pîvanên nexweşiya wî kêm dibe, nedifikirîn ku bavê min bişînin girtîgehê. Ji xwe roj saet 9’an de bijîşk dihatin kontrolê, lê vê carê beriya saet 9’an hatin û bi lez û bez bavê min birin girtîgehê. Bijîşk ji me re got ku wan anjiyo kirine ê rewşa demarên bavê min baş bû û her du demarên din wê bi dermanan tedawî bikin. Wê rewşa bavê min bişopînin.
Bi rastî em li benda serbestberdana bavê min bûn an jî înfaza wî bê taloqkirin. Em wek malbat li benda hêviyekê bûn. Ji ber ku nabe tedawiya wî li girtîgehê bê domandin. Lê îro di wê rewşê de dîsa şandin girtîgehê. Hîn jî du demarên dilê wî girtî ne û ji nişka ve ew şandin girtîgehê, ev yek me gelekî xemgîn dike. Ji ber krîza dil a berê 2 demarên wî hatibûn vekirin û sê demarên wî mabûn û hatibû gotin ku metirsiya jiyana wî heye. Ev xetere hîn jî didome. Ji ber ku girtiya nexweş Ozge Ozbek duh hat berdan em gelekî kêfxweş bûn. Vê yekê jî hêvî da me. Hêviya me ew bû ku ji nexweşxaneyê were berdan. Dikarîbûn înfaza bavê min taloq bikin.”
ŞANDEYÊ RAPORA ERÊNÎ NADE
Şîmel Çam anî ziman ku ew ê careke din serî li ATK’ê bidin û wiha domand: “Beriya ku bavê min krîza dil derbas bike serlêdana me hebû û wî derxistin pêşberî şandeyê. Lijneyê bêyî ku tiştekî bibêjin her tişt ji Saziya Tiba Edlî (ATK) re hiştin. Me raporên bavê xwe girtin û em ê dîsa serlêdanê bikin. Em hêvî dikin ku vê carê bersiveke erênî bidin.”
