Li Herêmên Parastinê yên Medyayê di navbera 5-7’ê Gulanê de Kongreya PKK’ê ya 12’emîn hate lidarxistin. Ji delegeyên kongreyê Sorxwîn Avesta û Îbrahîm Ûrfa têkildarî têkoşîna gerîla nirxandin kirin.
‘YÊN KU BI FEDAÎTÎ ŞER BIKIN WÊ ÇIMA TESLÎM BIBIN?’
Sorxwîn Avesta: Ez dixwazim di vî aliyê de bal bikşînim ser, min bi xwe jî piştî Serokatî dîl hat girtin şûnde tevlî Partiyê bûme. Niha kesên di vê hawirdora kongreyê de amade ne jî ji 3’yan 2 piştî Serokatî dîl hat girtin tevlî Partiyê bûne. Yanî ev bi xwezayî çi derdixe pêş, em bi xwe li dijî komplo û dîlgirtina Serokatî tevlî Partiyê bûn. Ger Serokatî di şert û mercên dîlgirtinê de bibe û sîstema Îmraliyê de jiyan bike nayê qebûkirin ku sedema me ya tevlîbûnê ew e ku em Serok ji sîstema Îmraliyê derxin û azadiya wî ya fîzîkî bi dest bixin, ev sedema me ya herî sereke ye. Niha di Partiyê de jî tevlîbûnên ku çêbûne ji 3’yan 2 ji ber vê sedemê ye. Dewlet nikare ku vê yekê ji nedîtive bê, piştguh bike. Yan jî bi dîmen, wêne û peyamekî bixwaze me razî bike, nikare bike. Piştî daxuyaniya Serokatiyê şûnde li ser hemû tunelên me geriyan, daxuyaniya Serokatî xwendin, xwestin şerê pskolojîk bimeşînin, gotinên wekî teslîm bibin, çekan berdin jixwe rêxistin biryar girtiye divê hûn jî teslîm bibin kirin. Dijmin pir zêde heqîqeta me nizane. Bi rastî jî heqîqeta PKK’ê û şervanên wî pir zêde nizane. Niha girêdana me bi hevalan re nebe jî, girêdana rêxistinê bi me re nebe jî kêm zêde em dizanin ku rêxistin wê çi biryar bigre, wê çi nîqaş bike û çi ji me re bêje. Heman tişt ji bo Serokatî jî derbasdar e. Ez bi xwe Serokatî re nemame, min pê re jiyan nekiriye, lê ez dizanim ku Serokatî wê derbarê me çi bifikire, ez dizanim Serokatî wê çi biryar bigre çi negre. Îja bi rêbazên wiha qirêj li ser tunelan digerin, bangawazî dikin, dixwazim hevalan teslîm bigirin. Berî vê heval Cemal daxuyaniyek dabû, bi rastî jî fedayiyên ku çend sal in li hemberî we şer kirine ji ber çi wê teslîm bibin ku we ewqas zilm li ser me kirine. Ez dixwazim axaftina xwe bi gotinekî bi dawî bikim; hevalên li tûnelên Şehîd Yûnûs ji heval Cemal û Zozan re nameyek nivîsandibûn, di wê nameyê de beşeke heye ku heval ji bo dijmin nivîsandine û di heman demê de vê beşê li ser cîhazê ji dijmin re jî xwendine. Yanî dijmin tê bi timî bangawazî dike, bi van peyvan pir zelalî derdikeve pêş ku di vê pêvajoyê de helwesta hevalên di tûnelan de çiye. Ez dixwazim vê beşê ji hevalan re bixwînim û axaftina xwe bi dawî bikim. Jixwe komekî hevalên jin in û cihê xwe di tûnelan de digrin, dema peyam hat heval Besê û Mîtra wê demê şehîd neketibûn. Bi vê wesîleyê gotinê hevalan jî di kongreyê de ji hevalan re bixwînin. Beşa ku heval ji dijmin re nivîsandine wiha ye; ‘Hûn her roj tên û ji me re dibêjin teslîm bibin, hûn bi teslîmiyet û kuştinê gef li me dixwin. Hûn bi her cure derfeta destê xwe li hemberî me sûcê şer dikin. Bersiva me ya yekane ya li hemberî we ew e ku em ê li dijî teslîmiyetê di berxwedanê de israr bikin. Em şervanên azadiyê ne ku li dijî vê şerê bêedalet derdikevin. Lê hûn qurbanên vî şerê bêedalet in.’ Ev hevalan bi vê peyamê hem sekna xwe ya li hemberî dijmin raber dikin ku ev ne tenê ji bo tûnelek e, tûnelên me yên din jî wisa ne, hem wek hevalên jin hem wek gerîlayên YJA-STAR’ê û gerîlayên HPG’ê bi yek ziman dixwazin vê pêvajoyê raber bikin, tê fêmkirin. Em jî di şexsê heval Besê û heval Mîtra ku ew herî dawî di qadê de şehîd bûn têkoşînê xurttir bikin. Ji bo ku têkoşînê xurttir bikin û ev lîstokên dewleta Tirk vala derxin, ji bo ku di aliyê leşkerî û jiyanî de li hemberî dijmin têbikoşin û şerekî dijwar bidin meşandin di vê pêvajoyê de çi bikeve ser mile me em ê pêk bînin.
DIVÊ RÊBERTÎ NE LI ÎMRALIYÊ BE
Îbrahîm Ûrfa: Şerê çekdarî gelek tişt bi me da qezenckirin. Û roja îro ger dewleta Tirk neçar maye here gel Serokatî bi saya hêza me ya çekdarî ye. Mane Serokatî bi xwe dibêje rayedarên dewletê ji min re gotine, em ê destpêkê derva tune bikin yanî qala gerîla dike, ger îro nekariye me tune bike û çûye ber lingê Serokatî ev tê wateya ku vala derketiye. Û ya dîtir ez tevlî heval Seyfî dibim em hêza xwe pir biçûk dinirxînin. Yanî şerê ku me kirî dewlet nikare bike. Kes li beramberî DAÎŞ’ê nekarî bisekine, mînak berê xwe dan Ermenîstanê 2 mehan nekarîn bisekinin teslîm bûn, yanî ne ku ji bo biçûk bibînin dibêjim rastî ev e. Îro tişta ku me di ji nû ve vesazkirinê de kiriye meriyetê, Rûs evqas dewletekî mezin e dîroka wan heye lê şerê wan bi tarzê Îtalî ye, bi sed hezaran windahî dan di nav 2 salan de, rêveberê Hîzbûllahê bi qasî me tedbîrên xwe negirt di nava çend hefteyan de tasfiye bû. Yanî em xwe wisa biçûk weke ku em paşde mane, wek têkçûnekî, weke ku me nekarî nebînin, na em dikarin bikin. Hêza teknîkî ku niha di destê me de ku heval hinek tişt bi neyekser eşkere kirine hinek tişt eşkere nekirine, di destê dewletan de tune ye. Em gihiştine wê astê. Ji bo vê pêvajoyê dibêjim, qet hirde virde nîne, qet giloverkirin an jî şîlokirina vê nîne lazim e Serok azad bibe. Yanî Serok azad nebe em wek mîlîtanên Serokatî fedayî ne, yek hevalek jî ji mirinê natirse. Heta ku Serok azad nebe em tu gavê navêjin, ev zelal e. Em ê ji kî bitirsin an jî em ê çi winda bikin. Ji ber vê divê Serok azad bibe. Nizanim şert û mercên ewlehiyê, nizanim yê xebatê nîne divê Serok azad bibe, Serok wê ne li Îmraliyê bibe. Mesela xwe li ber xweş dikin dibêjin em li Îmraliyê cihekî rast dikin, hepsa malê, em vê qebûl nakin. Heval dizanin televîzyon şopandine, her roj li Îmraliyê erdhej çêdibin nizanim heval dîtine yan en ew behr rabibe dadikeve, tsunamiyek rabe wê Îmralî hemû di nav avê de bihêle. Ne tenê Serokatî li wê derê jiyana tu kesî ne di garantiyê de ye. Divê Serokatî ne di Îmraliyê de be.
