Serokwekîlê Koma DEM Partiyê Sezaî Temellî têkildarî bûyerên di rojevê de ne li Meclîsê daxuyanî da. Temellî, 2’yemîn salvegera erdhejên 6’ê Sibatê yên Mereşê bi bîr xist û got, AKP li şûna mexdûriyetên heyî ji holê rake, hîn pirsgirêk çareser nekiriye.
Temellî bi domdarî qala bernameyên aboriyê yên Wezîrê Darayî û Xazîneyê Mehmet Şîmşek û got, ev bername têkçûne. Temellî diyar kir ku enflasyona li Tirkiyeyê ji ya 140 welatan zêdetir e.
Temellî pirsa têkildarî naveroka banga Rêberê Apo jî wiha bersivand: “Dema hate eşkerekirin em tevek wê bizanin. Rastiyek heye ku wê bangeke dîrokî be. Birêz Ocalan demeke dirêj e ji bo pirsgirêka Kurd li ser zemîneke demokratîk were çareserkirin têdikoşe. Lewma jî ji bo çareseriyeke demokratîk a pirsgirêka Kurd wê dîrokî be.”
Pirsa rojnamevanan a “Wê bang çawa were kirin?” jî Temellî wiha bersivand: “Hêviya me ew e ku ev bang di rewşeke ku tecrîda li ser birêz Ocalan hatiye rakirin û azadiya wî ya siyasî pêk hatiye de were kirin. Lê wê desthilatdarî biryarê bide bê ka wê bi çi awayî were kirin. Li gorî min desthilatdarî wê têkildarî vê mijarê daxuyaniyê bide.”
