Trump: Êrîş wê hîn bêhtir bêrehm bin

Serokê DYE’yê Donald Trump têkildarî êrîşên Îsraîlê yên li ser Îranê li ser platforma Truht Social daxuyaniyek da û got, “Ji bo bi Îranê re lihevkirin bê kirin min şens li ser hev da wan. Bi gotinên herî xurt min ji wan re got, ‘tenê bikin’, lê belê çiqasî hewl dan jî nekarîn vê bi ser bixînin. Min ji wan re got, ku ev yek ji texmînên wan bêhtir hîn xerab be, DYE li her devera cîhanê cebilxaneyên herî baş û kujer ên mirinê hildiberîne û Îsraîl xwedî van e û zane wê çawa bi kar bîne. Hin alîgirên tundiyê yên Îranî bi wêrekî axivîn, lê belê nizanîbûn bê wê çi biqewime. Niha hemû mirin û rewş wê hîn bêhtir nebaş bibe. Di halê hazir de gelek mirin û hilweşîneke mezin rû da, lê belê ji bo bidawîkirina vê komkujiyê hîn dem heye, êrîşên bê yên têne plankirin wê hîn bêhtir bêrehm bin. Îran beriya ku tiştek ji ber nemîne divê li hev bike û tişta ku berê jê re Împaratoriya Îranê dihate gotin, rizgar bike. Ne hîn bêhtir mirin, ne hîn bêhtir hilweşîn, bêyî dereng bikeve bikin. Bila Xweda we biparêze.”