Li gorî çapemeniya Yekîtiya Ewropayê (YE), hat ragihandin ku Seroka Komîsyona Ewropayê Ursula von der Leyen roja Sêşemê bi telefonê ligel serokwezîrê Çînê Li Qiang axiviye.
Hat diyar kirin ku Ursula von der Leyeyn, ji bo ku piştî DYE’yê bacên gumrikê diyar kiriye rageşî zêde nebe bang kiriye.
Komîsyona Yekîtiya Ewropayê di daxuyaniya xwe de diyar kir ku Leyen destnîşan kir ku “divê pirsgirêk bi muzakereyan bên çareserkirin” û “rageşî neyên zêdekirin.”
Donald Trûmp gef xwar ku eger Çîn dest ji plana xwe ya ferzkirina tarîfeyên zêde yên ji sedî 34 li ser berhemên DYE’yê ku roja Pêncşemê dest pê dike bernede, ew dikre heta %50 baca gumrikê li ser berhemên Çînî ferz bike.
Li aliyê din Çînê jî ragihand ku ew ê li dijî van bacan “heta dawî têbikoşin.”
Ursula von der Leyen, bal kişand ser bandorên neyînî yên rageşiya bazirganiya cîhanî û diyar kir ku divê Ewropa û Çîn piştgiriyê bidin pergala bazirganiyê ya adil û hevseng.
