Hêzên Parastina Civakî (HPC) yên Şehbayê li ser mijarê daxuyaniyek da. Daxuyanî bi vî rengî ye:
Di daxuyaniyê de ev agahî hatin parvekirin:
“Di 30’ê Mijdara 2024’an de, dewleta Tirk a dagirker û çeteyên paramîlîter ên girêdayî wê hewl dan êrîşên berfireh bînin ser herêmên Şehba û gundewarên wê. Lê bi bersivdayîna Hêza Parastina Cewherî ya gelê Şehbayê pevçûn derketin. Di pevçûnên li pêş xeta Şehbayê û gundewarên wê rû dan de komên çeteyan negihiştin armanca xwe.
Di van pevçûnan de endamên Hêza Parastina Civakî ya Gelê Şehbayê Canyar, Sîpan û Cîhan bi lehengî şer kirin û tevlî karwanên nemiran bûn.”
Di berdewama daxuyaniyê de hat destnîşankirin ku endamê Hêza Parastina Cewherî ya gelê Şehbayê Şahîn Efrîn yê ji pêkhateya Ereb a herêma Efrînê, dema li ser wezîfeya xwe bû, 30’ê Mijdara 2024’an di encama qezayekê tevlî karwanên nemiran bûye.
Di dawiya daxuyaniyê de hat gotin: “Em rêhevalên xwe Şahîn, Canyar, Sîpan û Cîhan bi minet û rêzdarî bi bîr tînin û li hember bîranîna wan bi rêzdarî bejna xwe ditewînin.”
