Sê hefte piştî hilbijartinên Parlamentoya Ewropayê bang li zêdeyî 49,3 milyon hilbijêran hate kirin ku biçin ser sindoqan. Rêjeya tevlîbûna hilbijartinan, ji sedî 66,71 bû û ev hejmar li gorî hilbijartinên sala 2022’yan 19,2 pûan zêde bûye.
Yekîtiya Neteweyî (RN) a di bin lîdertiya Marîne Le Pen de ji sedî 33,15’ê dengan wergirt û weke partiya herî mezin derket pêş. Ev encam du qat ji dengên ku partiya Renaîssance wergirtî, zêdetir e. Renaîssance partiya Serokkomar Emmanûel Macron e û ji sedî 14,7’ê deng wergirt.
Cepheyê Gel ê Nû (NFP) ku ji partiyên çep pêk tê, sedî 27,99’ê dengan wergirt û li pey rastgirên tund ma.
Partiya Serokkomar Renaîssance bi tifaqên xwe MoDem û Horîzon re, bi giştî di rêjeya ji sedî 20,76’ê de deng bi dest xist û di rêza sêyemîn de cih girt.
Komarperest û komên din ên rast, bi sedî 10,23’ê dengan li pey wan bûn.
