Navenda Ragihandinê ya Hêzên Sûriya Demokratîk (QSD) li ser malpera xwe daxuyaniyek da û got serçeteyekî şaneyên suîqastkirinan a DAIŞˊê û çeteyekî pê re kuşt û yek jî girt.
Di berfirehiya daxuyaniyê de ev hat gotin:
“Di dema ku herêmên rojhilatê Dêrazorê rastî êrîşên komên çekdar ên hikumeta Şamê tên de û komkujî li dijî xelkê pêk tên, her wiha hemwextî mijûlbûna hêzên me di bersivdana wan êrîşan de rêxistina DAÎŞˊê ya terorîst ev yek bi kar anî û bi awayekî koordînakirî bi komên rejîmê re xebitî û şaneyên xwe xistin tevgerê. Bi wê yekê hewl didin hin kiryarên terorane pêk bînin û rewşeke bêîstîqrariyê û tevliheviya ewlehiyê li herêmên me yên ewle pêk bînin.
YATˊê li dijî şaneyeke çeteyên DAÎŞˊê li gundê Siwêdan El Cizîrê yê bi ser çemê Firatê yê li rojavayê Dêrazorê de operasyoneke bi rêk û pêk li dar xist. Ev operasyon bi piştgiriya hewayî ya Hêzên Koalîsyona Navneteweyî pêk hat.
Hêzên me cihê şaneya terorîst dorpêçe, banga teslîmbûnê kir. Lê endamên şaneyê bang nebersivandin û gule li şervanên me reşandin. Bi wê re hêzên me jî gule reşandin, di encamê de pevçûn çêbû. Di encama pevçûnê de berpirs û serçeteyê şaneyên suîqastkirinan bi navê Ebû Usama, çeteyekî pê re hatin kuştin û terorîstek jî hat girtin.
YATˊê ev tiştên li gel şaneyê girtin:
Telefonek
Belgeyên şexsî
Dabanceyek
Kilaşînkovek.”
