Hêzên Sûriya Demokratîk (QSD) li ser malpera xwe ya fermî bi daxuyaniyekê ragihand ku Hêzên Meclîsa Leşkerî ya Serêkaniyê li dijî nuqte û baregehên dewleta Tirk a dagirker û çeteyên wê yên li derdora bajarê Serêkaniyê rêzeçalakî li dar xistine.
Di daxuyaniyê de wiha hate gotin:
“Di çarçoveya piştgirî û destekdayîna berxwedana pira Qereqozaq û Bendava Tişrînê de û ji bo bersivdana êrîşên dewleta Tirk a dagirker û çeteyên wê, Hêzên Meclîsa Leşkerî ya Serêkaniyê rêzeçalakiyên bibandor li dijî baregehên dewleta Tirk a dagirker û çeteyên wê yên li gelek gundên derdora bajarê Serêkaniyê li dar xistin.
Di saetên vê sibehê de yekîneyek ji hêzên me ketina nava cih û nuqteyên çeteyan li gundê Rîhaniyê yê bajarê Serêkaniyê, hêzên me ji nuqteyên çeteyan ve nêz bûn û bi çeteyan re ketine pevçûnên. Di necamê de 5 çete hatin kuştin.
Li eniyeke din jî hêzên me êrîş bir ser nuqteyên çeteyan ên li gundê Qasimiyê, di encamê de gelek çete hatin kuştin û birîndarkirin. Lê hejmara kuştî û birîndarên çeteyan nehat zanîn.
Saet di 8ˋê vê sibehê de jî li eniya sêyemîn, şervanên me li gundê Dibis êrîşeke din li dijî baregehên dewlet Tirk a dagirker û çeteyên wê yên li gundên Ezîziyê, Erîşa, Erbahîn, Girê Şehîd Dilşêr, Menax û Kinêr pêk anî.
Di van çalakiyên li wan gundan de tu zirar negihişt hêzên me.”
