Trump roja Pêncşemê mohra xwe danî binê biryarnameyekê û DCN sûcdar kir ku “Li hemberî Emerîka û hevalbendê me yê nêz Îsraîlê dikeve nava hewldanên bêhiqûqî û bêbingeh.”
Di biryarnameyê de li rêveberên DCN, xebatkar û nûnerên wê û endamên malbatên nêz ên wan hate qedexekirin ku bikevin nava Dewletên Yekbûyî yên Emerîkayê (DYE). Her wiha biryar hate dayin ku mal û milkên van kesan ên li DYE’yê bêne rawestandin.
Navê kesên ku rêveberiya Trump pêkanîn danî ser wan ji raya giştî re nehate eşkerekirin. Pêkanînên bi heman rengî yên sala 2020’î li hemberî dozgerê wê demê yê DCN Fatou Bensouda hatibû kirin.
Hollanda ku malovaniyê ji DCN re dike, nerazîbûn nîşanî biryara Trump da. Wezîrê Karên Derve yê Hollandayê Caspar Veldkamp li ser hesabê xwe yê medya dîjîtal X’ê daxuyanî da û diyar kir ku ‘karên dadgehê di têkoşîna li dijî bêcezahiştinê de pêwîstî ye.”
DCN’ê ji ber şerê li Xezeyê biryara girtina Serokwezîrê Îsraîlê Benyamin Netanyahu û Wezîrê Parastinê yê berê Yoav Gallant dabû.
