Hevalbendên Kievê yên Ewropayî, beriya sêyemîn salvegera şer a ku di 24’ê Sibata 2022’yan de destpêkirbû, ketin nava tevgerê.
Serokkomarê Fransayê Emmanuel Macron wê li Washîngtonê be, Serokwezîrê Spanyayê Pedro Sanchez wê li Kîevê be û London jî wê cezayên nû li dijî Moskowayê ragihîne.
Piştî hevdîtina Donald Trump û Vladîmîr Pûtîn ê di 12’ê Sibatê de pêk hatî, Trump helwesta DYE’yê ya li hember şerê li Ukraynayê bi temamî guhert.
Di demeke ku Qesra Spî gotinên Kremlînê yên der barê rayedarên Ukraniyayê de qebûl dike de, gotinên tund dike û serokdewleta Ukranyayê Volodymyr Zelenskiy wekî ‘dîktator’ pênase dike.
‘DIXWAZIN 500 MÎLYAR DOLAR BISTÎNÎN’
Çavkaniyekî Ukraynayê heman rojê ji AFP’ê re got, “Dixwazin 500 mîlyar dolar ji me bistînin.” Her wiha da zanîn ku Ukraynayê “guhertinên çêker” ji bo pêşnûmeya peymana li ser madenên ku ji hêla Washington ve hatî pêşkêş kirin, pêşniyar kir.
Qasidek Emerîkî Keith Kellogg ku nû serdana Kîevê kir, got ku Zelenskiy di wê ferqê de ye ku îmzekirina belgeyek wiha “pir girîng e.”
