Endama Komîteya Zindanan a PAJK’ê Rozerîn Ocalan bi wesîleya 8’ê Adarê Roja Jinên Kedkar ên Cîhanê ji ajansa me ANF’ê re axivî. Rozerîn Ocalan di serî de bi banga ‘Aştî û Civaka Demokratîk’ 8’ê Adarê li Rêber Apo, hemû jinên di zindanan de û yên Bakur û Rojhilatê Sûriyê pîroz kir.
Rozerîn Ocalan anî ziman ku sedsala 21’emîn wê bibe sedsala jinan û wiha axivî: “Yê ku got sedsala 21’emîn wê bibe sedsala azadiya jinan Rêber Apo bû.
Rêber Apo di salên 90’î de destnîşan kir ku divê şoreşa Kurdistanê bibe şoreşa jinê. Di vê sedsalê de bîrdoziya rizgariya jinê îlan kir û partîbûna wê pêk anî. Ji şoreşa jinê ya cîhanî re perspektîfek rêxistinî, têgînî û çalakî danî holê û tevgera jinê ya Kurdistanê ava kir.
Rêbertî dibêje, ‘her kêlî û bûyer bi qasî şoreş kirinê girîng e.’ Ev çalakiya ku tê kirin di nav xwe de gihiştiye asta şoreşê. Di vê serdemê de divê em bizanibin ku wek çalakiyên demokratîk wêrekiya greva birçîbûnê nîşandayîn ne hêsan e.
Tu pergal ne xwedî wê hêzê ye ku enerjiya jinê heps bike. Rêbertî di sala 1998’an de bi bîrdoziya rizgariya jinê ve îradeya azad û hêza cewherî ya jinan derxist holê. Bîrdoziya rizgariya jinê li hemberî rastiya jina kolê, bi xwespartina hêza cewherî ya jinan dixwaze bike xwedî îrade.
ji bo Tevgera Azadiya Jinê ya Kurdistanê mezin bibe û ji hemû cîhanê re bibe çavkaniya îlhamê, jinên berxwedêr ên li zindanan bi têkoşîn û berdêlan roleke mezin lîstine. Li ku derê cihanê dibin bila bibin şerên li gorî berjewendiya serweriya mêr dimeşe, her tim zehmetî daye jinan û zarokan. Zarok tên kuştin, jin neçarî koçberiyê dibin. Jin di cihanê de tevî ku her zêde kar dikin jî ji sedî 10 dahatiyê qezenc dikin. Dewleta Tirk gel, tevger, gerîla, zarok, xwezaya Kurdistanê qir dike. Li hemberî vê di pêşengiya YJA Starê de berxwedan mezin dibe.
Divê îsal pîrozbahiyên me yê 8’ê Adarê hîn cudatir bin. Divê em xwedî li vê pêvajoya ku Rêbertî daye destpêkirin derkevin. Piştî 10 salan bi dîtina wêneyê Rêbertî re em ketin nav kelecan û hezkirinek mezin. Divê em bang bikin ku em şoreşa Jin Jiyan Azadî çawa bimeşînin. Wek jin divê em banga Rêber Apo ya Aştî û Civaka Demokratîk xelata herî mezin a 8’ê bibînin û ji bo dîtina Rêber Apo têkoşînê hîn bilindtir bikin.”
