Tûra duyemîn a hilbijartinên Serokkomariyê yên li Bûlgaristanê 1’ê Mijdarê roja Yekşemê bi dema herêmî saet di 07:00 de destpê kir.
Di hilbijartinê de Serokkomara heyî Iliana Iotova û serokwezîrê berê yê demkî Andrey Guiurov tên hemberî hev. Hilbijartin di bin siya şerê Rûsya-Ûkraynayê û rageşiya ewlekariyê ya li Derya Reş pêk tê. Dengdan wê bi dema herêmî saet di 20:00 de bi dawî bibe.
Di tûra destpêkê de Iotova ji sedî 34,7 ê dengan, Guiurov jî ji sedî 32 ê dengan bi dest xistibû.
Iotovoa ya 62 salî ku endama Partiya Sosyalîst a Bûlgaristanê (BSP) ye, ji bo bidawîbûna şerê li Ûkraynayê dixwaze ku bi Moskowê re diyalog bê danîn. Li gel piştgiriya ji bo endametiya NATO’yê, her wiha îdîa dike ku şandina hîn bêhtir çek û pere ji bo Ûkraynayê şer dirêj dike.
Iotova êvara Pêncşemê di bernameyek televîzyonê de got, “Aştî tenê bi muzakereyê dikare pêk were.”
Hevrikê Iotova Andrey Guiurov ê 50 salî jî piştgiriyê dide muxalefeta alîgirê Rojava. Guiurov dibêje, divê Rûsya dawî li êrişkariya xwe ya li ser Ûkraynayê bîne.
