Donald Trump li balafira serokatiyê Air Force One daxuyanî da rojnamevanan û got, “Bi dîtina min, eger em yekser danûstandinan bikin wê başti be.”
Serokê DYE’yê got, “Wê hîn bi lez be û hingî mirov dikare aliyê hemberî xwe ji navbeynkaran baştir fêhm bikin.”
Îranê beriya niha bi demeke kurt ragihandibû ku heta DYE nêzîkatiya xwe ya li hemberî wan neguherîne, ew ê alîgirê danûstandinên neyekser bin.
Donald Trump sala 2018’an dema ku dest bi wezîfeyê kir, bi rengekî ji nişka ve DYE ji peymana navneteweyî ya bi Îranê re vekişandibû. Îranê jî gav bi gav sozên têkildarî peymana nukleerê dabû betal kiribû.
Trump ji aliyekî ve dibêje ew alîgirê diyalogê ye ji bo kontrolkirina karên nukleerî yên Îranê, li aliyê din jî gefên li ser destwerdana leşkerî dixwe.
