Li gorî Navenda Ragihandin û Çapemeniyê ya Hêzên Sûriyeya Demokratîk (QSD), roja Şemiyê li ser îxbara gelê herêmê hêzên ewlekariyê berê xwe da herêma ku liv û tevgereke bi guman lê hebû. Yekîneyan di demeke kurt de xeleka ewlekariyê ava kirin û piştî ku şaneya DAÎŞ’ê kete kemînê şer qewimî, di encamê de çeteyek hate kuştin. Çeteyek jî ji cihê bûyerê reviya.
Di daxuyaniyê de hate ragihandin ku çeteyan plan dikirin ku mayin û teqemeniyên bi destan hatine çêkirin li qadên bicihbûnê yên hêzên QSD’ê bi cih bikin, bi vî rengî êrî bikin û hate gotin, piştî şer li herêmê karekî berfireh ê lêgerînê hate destpêkirin.
Navenda Ragihandin û Çapemeniyê diyar kir ku bi saya hestiyarî û hevkariya gelê herêmê bûyer hate astengkirin.
Di daxuyaniyê de hate gotin, operasyonên li hemberî şaneyên veşartî yên DAÎŞ’ê wê dewam bikin.
