Serokê Dewletên Yekbûyî yên Emerîkayê (DYE) Donald Trump li ser medya dîjîtal Truth Social daxuyaniyek da û got, “Min ji Kanadaya ya dilovan re got, ku eger bixwaze weke neteweyeke cuda bimîne wê Qubeya me ya Zêrîn a bêhempa jê re bibe 61 milyar dolarî (…) lê eger bibe eyaleta me ya 51’emîn wê jê re belaş be.” Trump her wiha got, “Pêşniyarê dinirxînin.”
Donald Trump ji dema bû desthilatdar û vir ve, her wiha beriya wê jî di dema kampanya serokatiyê de bi bacên gumrukê û bazirganiyê gef li Kanadayê xwar û bi eşkere qala desteserkirina vî welatî kir.
Donald Trump hîn bêhtir bi nav de çû û ji bo Serokwezîrê Kanadayê yê ku meha Adarê wezîfeya xwe radest kir, ji Justin Trudeau re got ‘Walî’. Piştî ku partiya lîberal di hilbijartinê de bi ser ket, helwesta Mark Carney ê bû Serokwezîr dihate meraqkirin.
Carney ji roja ku dest bi wezîfeyê kir û pê ve li hemberî hewldanên Donald Trump got, welatê wî ne ya firotinê ye.
Mark Carney hefteya derbasbûyî ji bo tevlîbûna Kanadayê ya li Qubeya Zêrîn diyar kiribû ku bi DYE’yê re dest bi hevdîtinên di ‘asta bilind’ de hatiye kirin.
Trump bi vê sîstema fuzeyê re dixwaze DYE’yê ji fuzeyên balîstîk, hîpersonîk, balafirên bêmirov biparêze.
