Goristana Pirêjman a li navçeya Pîranê ya Amedê ji aliyê rêveberên MEBYA-DER, DEM Partî û gelek malbatan ve hat ziyaretkirin.
Di serdanê de ji bo şehîdên azadiya Kurdistanê deqeyek rêz hat girtin û piştre dua hatin xwendin. Hevseroka MEBYA-DER’ê Semra Akkoç di serdanê de axivî û got, “Em ji bo cejna lehengên xwe pîroz bikin hatin vir. Em minetdarê wan in. Em soz didin ku em ê li ser rêça wan bimeşin. Ez cejn Birêz Abdullah Ocalan, têkoşeran û şehîdên me pîroz dikim. Şehîd namirin.”
Goristanên Çemê Elika û Sîsê yên li navçeya Licê jî bi heman awayî hatin ziyaretkirin. Lê qeymeqamtiya Licê bi hinceta “qedexeya daxuyaniyên çapemeniyê û çalakiyan” heye, demek dirêj girse rawestand. Malbatan bertek nîşanî vê rewşê dan û gotin, “Ev çi aştî ye? Hûn ji miriyên me ditirsin.”
Di serdanan de MEBYA-DER, Hevseroka DBP’ê ya Amedê Rûçem Elyakût, rêveberên DEM Partiyê û malbatan ji bo şehîdan dua xwendin.
