Sekreterê Giştî yê Hîzbûllahê piştî destpêkirina şerê Îsraîl û Îranê cara duyemîn bi navê xwe daxuyaniyek da û ev yek jî weke rewşeke îstîsnaî hate pênasekirin.
Îsraîl ku îdîa dike, hindik maye Îran bombeya atomê hilberîne, di 13’ê Hezîranê de li ser îranê dest bi êrîşeke hewayî ya berfireh kir. Li ser vê yekê Îranê jî dest bi bersivdayinê kir. Êrîş her roj dewam dikin.
Sekreterê Giştî yê partiya Şîa ya Lubnanê Naîm Qasim anî ziman ku Hîzbûllah “wê li hemberî êrîşa barbar a Îsraîl û Emerîkayê bi rengê guncaw tevbigere” û diyar kir ku li hemberî “bê edaletiya global” wê bi Îranê re bin.
Serokwezîrê Îsraîlê nerazîbûneke tund nîşanî vê daxuyaniyê da û gef xwar.
Katz got, “Sekreterê giştî yê Hîzbûllahê ji yên beriya xwe ders wernegirtiye û li gorî fermanên dîktatorê Îranê Alî Xamaney tevdigere, gefê li Îsraîlê dixwe.”
Katz got, “Ez ji nûnerê (Tehran) Lubnanê pêşniyar dikim ku baldar be û fêhm bike ku êdî sebra Îsraîlê ji terorîsên gefan lê dixwe nemaye.” Wezîrê Îsraîlî got, “Eger terorîzm hebe, Hîzbûllah jî wê nemîne.”
