Yek ji Fermandariya Eyaleta Gabarê Bêrîtan Nûrhak Çiya (Sultan Dag) ya 23’ê Hezîrana 2024’an de li herêma Mawa ya Gabarê şehîd bûbû, li ser gora xwe ya li Şêxmahmut a navçeya Omeryan a Mêrdînê hat bibîranîn. Komeleya Malbatên Kesên Jiyana Xwe ji Dest Dane ya Mezopotamya (MEYA-DER), endamên Partiya Wekhevî û Demokrasiyê ya Gelan (DEM Partî), Dayikên Aştiyê, malbata şehîd û gelek kes tevlî bîranînê bûn.
Bîranîn bi rêzgirtina ji bo giyanê şehîdan dest pê kir. Di bîranînê de ewilî Dayika Aştiyê Halîme Kaya axivî. Kaya anî ziman ku têkoşîna şehîd Bêrîtan Nûrhak Çiya û şehîdên me yên din ne tenê mînaka berxwedanê ye û di heman demê de sembola têkoşîna ji bo aştî û azadiyê ye.
Nûnerên MEYA-DER û DEM Partiyê jî axivîn û bal kişandin li ser rola şehîd Bêrîtan Nûrhak Çiya ya di têkoşîna azadiyê de û gotin: “Mîrateya wê ya berxwedanê wê timî bijî.”
Di bîranînê de li ser navê saziyan û malbatê jî axaftin hatinkirin. Bîranîn bi dirûşmeyên “Şehîd namirin” bi dawî bû.
