Şêniyên Wargeha Penaberan a Şehîd Rustem Cûdî (Memxûr) bi pêşengtiya Meclîsa Îştar, Meclîsa Gel û Meclîsa Ciwanan berê xwe dan konê sersaxiyê yê ku ji bo Şehîd Cîger Goyî (Orhat Urek) hatibû vedan ku 26’ê Îlona 2020’an li herêma Kato Marînos a eyaleta Wanê şehîd bû.
Beriya ku axaftin werin kirin di şexsê Şehîd Cîger Goyî de ji bo tevahî şehîdên şoreşa Kurdistanê deqeyek rêz hat girtin.
Pîştî rêzgirtinê li ser navê her sê meclisan û xelkê wargehê Hevseroka Dîwana Meclîsa Gel a Mexmûrê Nûdem Yaman axivî.
Nûdem di destpêka axaftinên xwe de, di şexsê Şehîd Cîger de hemû şehîdên Kurdistanê bibîr anî û wiha got: “Dema mirov temaşeyî dîroka gelê Kurd dike, dibîne ku her roj, her kêlî bi berdêlan tije ye. Kesayetên wek Heval Cîger ku çanda civaka xwe heta lutkeya dawî, di jiyana xwe ya gerîlatî de tacîdar kirî kesayetên wiha pir kêm in. Bi rastî jî bi çanda ku ji malbatê, ji civaka xwe ya Botanê digire diyar dibû ku çawa ji lawiran hez dike, nêzîkatiyên wî yên ji bo têkoşînê û civakê di axaftinên xwe de bi awayekî berbiçav dida diyarkirin. Her wiha dema Heval Cîger çûyî Şengalê jî digot; ‘ev komkujiya ku li ser xelkê Şengalê pêkhatî, dibû sedem ku mirov ji mirovbûna xwe şerm bike.’ Ev yek bi gotin û sekna xwe heqîqetek da çêkirin. Li ser vî bingehî em fermandarê mezin Şehîd Cîger bi bîr tînin û bejna xwe li ber têkoşîna wî di tewînin.”
Her wiha li navê malbata Şehîd Cîger, Pismamê wî Elî Bilehî jî axivî û destpêkê xêrhatina xelkê amade kir û wiha got: “Di welatek dagirkirî de kesayetên ku xwe bi firkir û felsefeya Rêber Apo hunandibin, ji bo azadiya civakê xwîna xwe destana lehengiyê nivîsandibin, bê gûman ew kes bê mirin in û wê hertim jiyan bikin. Têkoşîna 50’î salan Rêbertî dayî meşandin, bi hezaran qehremanên wekî Cîger di bedela wê de canê xwe feda kirin, li dijî îmha û înkara Kurdistan û Kurd bû. Di encama vê de ew îmha û înkara dewleta Tirk yan jî dagirkerên Kurd bidin ferzkirin ew ji holê hat rakirin. Êdî wê ji îro û şûnde mîsogeriya azadiya wê bê çêkirin. Ji ber ku tiştekî wate û heyîna xwe bigire piştî heyînê tû wate lê bar dikî. Ji bo wê watedayîna Kuredistanê, watedayîna civaka demokratîk wê bi azadiyê mîsoger bibe.”
Piştî axaftinan dirûşmeyên ‘Bijî Serok Apo’ û ‘Şehî Namirin’ hatin berzkirin.
