Gerîlayê HPG’ê Mûsa Kaya (Bahoz Şîlan), di 12’yê Çileyê de li herêma Zapê di encama êrîşa hewayî ya dewleta Tirk de tevlî karwanê şehîdan bû. Ji bo gerîla Kaya li gundê Balîka yê bajarokê Kaniya Henê yê Êlihê şîn hate danîn. Ji bo şîna gerîlayê HPG’ê seredaneke girseyî pêk hat. Seredana girseyî bi pêşengtiya MEBYA-DER’ê hate kirin û li gel rêxistinên civakî ên li bajêr û nûnerên partiyên siyasî gelek kes beşdarî şînê bûn.
Dayika Aştiyê Meyaser Akdag, di şînê de axivî û got: “Çi dibe bila bibe ev gel ji têkoşîna xwe bi paş ve gav naavêje. Di serî de malbata Kaya, serê tevahiya gelê me sax be.”
Bavê şehîdî Mehmet Alî Kaya jî diyar kir ku kurê wî tenê ne zarokê wî bi tenê ye, zarokê gelê Kurd hemûyê ye û got: ‘’Ji bo rûmet û şerefa gelê Kurd canê xwe feda kir. Ez pê serbilind û serfiraz im.’’
Di dema axaftinan de gelek caran dirûşmeya ‘’Şehîd namirin’’ hate berzkirin. Şîna ji bo gerîlayê HPG’ê hatiye danîn wê 3 rojan berdewam bike.
