Barzanî li ser hesaba xwe ya X’ê daxuyanî da û got, “Partiya Karkerên Kurdistanê (PKK) îro bi tevlîbûna lîdertiya Partiya Demokrat, nûnerên Herêma Kurdistanê, ji Tirkiyeyê siyasetmedar, kes û saziyên medyayê li Herêma Kurdistanê bi merasîmekê gava çekberdanê avêt, em vê gavê bi memnuniyet pêşwazî dikin.”
Di dewama daxuyaniyê de ev tişt jî hatin gotin: “Ev ji bo serketina pêvajoya aştiyê, gaveke din a girîng û kêfxweşiyê ye. Em bawer dikin ku ev gav dê pêvajoya aştiyê bigihîne qonaxeke nû û ji bo pêvajo ber bi aliyeke rast ve pêş biçe, wê gavên din jî yên pratîk werin.
Bi vê wesîleyê ji bo serketina pêvajoya aştiyê, em girêdanbûna xwe ya tam a ji hemû destek û tevkariyên me re, car din nîşan didin. Li ser vê esasê weke her car, em amade ne ku her cure alîkariya pêwîst pêk bînin û her wezîfeya xwe bi cih bînin.
Pêvajoya aştiyê di demeke welê de pêk tê ku herêm di rewş û qonaxeke hesas re derbas dibe û pêwîste hemû alî ji bo serketina pêvajoyê her cure hewldanê nîşan bide. Di aştiyê de her kes bi ser dikeve û serketina aştiyê, wê xizmetê ji Tirkiyeyê, hemû herêmê û her kesê re bike.
Em ji bo înîsîyatîf, piştgirî û hewldanên Birêz Serokkomar Erdogan a ji bo aştiyê, spasiya wî dikin û car din teqdîr û memnuniyeta xwe tînin ziman. Her wiha em bi rêzdarî li Birêz Bahçelî, Birêz Ocalan û her kesê ji bo serketina aştiyê xebitî, dinêrin.”
