Şervanê YPG’ê Mustafa Azîz Arslan ê ku sala 2014’an di êrîşa DAÎŞ’ê ya li ser Kobanê de hate qetilkirin, li warê xwe Pirsûsê di salvegera 11’an a şehadeta xwe hate bîranîn. Merasîma bîranînê li avahiya Rêxistina Pirsûsê ya Partiya Wekhevî û Demokrasiyê ya Gelan (DEM Partî) hate kirin. Ji xeynî malbata Arslan, endam û rêveberên partiyên siyasî, KATDER, Meclîsa Dayikên Aştiyê ya Rihayê, aktîvîstên Tevgera Jinên Azad (TJA) û gelek kes beşdarî merasîmê bûn.
Bîranîn bi deqeyek rêzgirtinê destpê kir, li ser berxwedana Kobanê sînevîzyonek hate temaşekirin.
Emîne Arslan di bîranînê de axivî û ev bang kir: “Em xwedî li nirxên xwe derbikevin.”
Bîranîn bi berzkirina dirûşmeya “Şehîd namirin” bi dawî bû.
