Serokê Meclisa Mezin a Tirkiyeyê (TBMM) Nûman Kurtulmuş li ofîsa xwe ya li Meclisê bi Wezîrê Parastina Neteweyî Yaşar Guler, Serfermandarê Giştî Metin Gurak û fermandarên hêzan re civiya. Di civînê de li ser geşedanên ewlehî û siyasî axivîn.
Kurtulmuş piştî vê civîna krîtîk, bi Serokomar û Serokê Giştî yê AKP’ê Recep Tayyîp Erdogan re li Beştepeyê civiya.
Di civînan de “Pêvajoya Aştî û Civaka Demokratîk” a têkildarî pirsgirêka Kurd ku berdewam dike û plana avakirina komisyona Meclisê ya ji bo şopandina pêvajoyê hatin nîqaşkirin. Derbarê civînan de daxuyaniyeke fermî nehat dayin.
