Li qada darên zeytûnan a li ser rêya Soke û Aydinê ya li herêma Agavliyê şewat derket. Şewat li herêma Argavli li qada darên zeytûnan dest pê kir. Ji cihê şewatê re gelek tîmên agirkujiyê hatin sewqkirin. Şewat ji ber bayê xurt di demeke kurt de gelekî belav bû.
Şewata daristanê ya li Taxa Kûşçûlar a navçeya Ûrla ya Îzmîrê ya duh bi şev jî piştî mudaxeleya tîmên agirkujiyê ya ji hewayî û bejayî hate kontrolkirin. Li herêmê xebatên sarkirinê berdewam dikin.
Şewata li qada daristanî ya li navçeya Gonen a Balikesîrê jî bi mudaxeleya tîmên agirkujiyê û tîmên daristanê hate vemirandin. Hate zanîn ku xebatên sarkirinê berdewam dikin.
Têkildarî sedemên destpêkirina şewatan lêkolîn hatin destpêkirin.
