Serokê Meclisê Numan Kurtulmuş, têkildarî naveroka Komîsyona ku dê di çarçoveya Pêvajoya Aştî û Civaka Demokratîk de li Meclîsê bê avakirin, nameyek ji komên partiyên siyasî re şand. Li gorî nameya Kurtulmuş şandiye, di komîsyona Meclisê de 51 kesên cih bigirin ji wan 51 kesan AKP’ê bi 21, CHP’ê bi 10, DEM’ê bi 4, MHP’ê bi 4, ÎYÎ Partî bi 3, Yenî Yol jî bi 3 wekîlên dê bên temsîlkirin.
HUDA PAR, Yenîden Refah, Partiya Karkerên Tirkiyê (TÎP), Partiya Kedê (EMEP), Partiya Çep a Demokratîk (DSP) û Partiya Demokrat (DP) ku di Meclîsê de komeke wan tune ne, dê di komîsyonê de ji her yekê wekîlek cih bigirin.
Hate ragihandin ku partiyan herî direng heta 31’ê Tîrmehê navê endamên tevlî komîsyonê bikin radestî serokatiya Meclîsê bikin.
Her wiha ÎYÎ Partiyê berê ragihandibû ku wê endamê ji bo komîsyonê nede. Ji ber vê yekê tê payîn ku komîsyon ji 48 kesan pêk were.
