Li gorî rapora SOHR’ê di sala 2025’an navbera mehên Çile û Tîrmehê de li girtîgehên Hikûmeta Demkî ya Sûriyeyê 56 kes hatine kuştin.
SOHR’ê diyar kir ku kesên hatine kuştin sivîlên ji mezhebên cuda ne, di nava wan de karmend, efserên berê, parêzer, wênekêş û hin ciwanên ku ji Ewropayê hatibûn serdana malbatên xwe, hene.
Di raporê de hate ragihandin ku di meha Çileyê de 8, di Sibatê de 13, di Adarê de 4, di Nîsanê de 7, di Gulanê de 2, di Hezîranê de 3, di Tîrmehê de 9 û di nîvê yekem ê Tebaxê de jî 10 kes hatine kuştin.
SOHR’ê diyar kir ku ev sûc ji aliyê saziyên ewlehiyê yên girêdayî Hikûmeta Demkî ya Sûriyeyê ve hatine kirin. Hate destnîşankirin ku di nava wan saziyan de Rêveberiya Operasyonên Leşkerî, Ewlekariya Giştî û şaxên polîs û ewlehiyê yên li Hums, Şam û Dêrazorê cih digirin.
Di raporê de hate diyarkirin ku li girtîgehên Hikûmeta Demkî a Sûriyeyê êşkence weke amûreke kuştina sîstematîk hatiye bikaranîn.
