Navenda Çavdêriya Mafên Mirovan a Sûriyeyê (SOHR) diyar kir ku ji 8´ê Kanûna 2024’an û heta 6’ê Îlona 2025’an, di nava 9 mehan de 10 hezar û 672 kes ji ber kiryarên tundî û aloziyê hatine kuştin. Hat gotin ku ji van kesan 8 hezar û 180 jê sivîl in. Ji hejmara giştî 3 hezar û 20 kes li meydanan hatine înfazkirin.
SOHR´ê destnîşan kir ku sûcdarên van kiryaran nayên dadgehkirin û cezakirin. SOHR’ê got ku gotinên nefretê, nijadperestî û mezhebperestiyê her ku diçe zêde dibin û çalakvan û hiqûqnas tên hedefgirtin.
