Nêrgiz Mihemedî diyar kir ku êrîş beriya salvegera sêyemîn a serhildana “Jin, Jiyan, Azadî” hatiye plankirin û got, “Li wê girtîgehê jin dîl hatine girtin hene; ew wate û kûrahiyê didin têkoşîn, berxwedan û jiyanê. Jin ji êrîşên peywirdarên Komara Îslamî natirsin.”
Çend roj berê gelek peywirdarên jin û mêr li ser fermana rêvebera midûrê girtîgehê Soghra Xodadadî bi ser qawîşên jinan de girtin. Girtiyên siyasî yên jin bi berzkirina dirûşmeyan ki ber xwe dan û êrîş vala derxistin.
Nêrgiz Mihemedî got, “Bi vê êrîşê, Komara Îslamî dixwaze girtiyên jin bitirsîne û tolê hilîne.”
Nêrgiz Mihemedî anî ziman ku gelê Îranê di van rojan de hem qetilkirina Jîna Emînî, hem jî girtiyên hatine darvekirin û girtiyên di bin zilmê de ne bi bîr tîne.
