Di raporê de hate diyarkirin ku 20 zarokan di sektora çandiniyê de, 19’an di sektora pîşesaziyê de, 17’an di sektora înşaetê de û 16’an jî di sektora xizmetê de jiyana xwe ji dest dane û hate destnîşankirin ku li gorî salên borî mirin li navendên bajaran zêdetir pêk tên.
Li gorî raporê karkeriya zarokan a bi rêya bernameyên MESEM’ê û Herêmên Pîşesaziya Organîzeyê zêde bûye.
Her wiha di raporê de hate diyarkirin ku 505 hezar xwendekar di çarçoveya bernameyên MESEM’ê de hefteyê çar rojan weke hêza kar a erzan tên xebitandin û hate îfadekirin ku ev yek ne perwerde ye, berovajî wê ‘’îstîsmarkirina keda zarokan e.’’
Hate bibîrxistin ku di du salên dawîn de di çarçoveya bernameyên MESEM’ê de herî kêm 15 û di dema staja lîseyan de jî 7 xwendekaran jiyana xwe ji dest dane.
Meclîsê ÎSIG’ê daxwaz kir ku karkeriya zarokan were qedexekirin, perwerde bi awayekî bê pere were dayîn, dawî li pergala 4+4+4’ê were û bernameyên MESEM’ê werin bidawîkirin.
Her wiha Meclîsa ISIG’ê da zanîn ku divê ewlehiya qadên jiyana zarokan were dabînkirin û di perwerdeyê de esasên civakî û zanistî werin xurtkirin.
