Hiqûqnas biryara Komîteya Wezîran a Konseya Ewropayê ya têkildarî ‘mafê hêviyê’ rexne dikin.
Ji wekîlên hiqûqnas ên DEM Partiyê Alî Bozan ji ANF’ê re axivî û got, tevî biryara ku 11 sal in nayê bicihanîn û pêvajoya ku 27’ê Sibatê bi Banga Rêber Apo destpê kir, DMME ji berpirsyariyê reviya.
Bozan ev tişt anîn ziman: “Ewropa şûna ku destê xwe sivik bike, mîna AKP’ê tevgeriya û biryara ‘mafê hêviyê’ ji demê re hişt. Komîteya Wezîran vê carê 9 meh dem da. Tirkiyeya di bin rêveberiya Erdogan de mixabin wê 9 mehan ti gavê neavêje. Komîteya Wezîran derfetê xwe mijûlkirinê da Tirkiyeyê ku ji bo çareseriya meseleya Kurd gavên şênber û pratîk naavêje.”
Hevserokê Wanê yê DBP’ê parêzer Cemal Demîr jî diyar kir ku ‘mafê hêviyê’ tenê ji bo Rêber Apo na, divê ji bo zêdeyî 4 hezar girtiyên ku cezayê hepsê yê heta hetayê lê hatine birîn were bicihanîn û got, bi biryara hatî dayîn re ji bo helwesta kêfî û dervey hiqûqê zemîn tê çêkirin. Demîr ev tişt jî got, “Hêza pêkanînê ya Komîteya Wezîran di bin siya zexta siyasî de dimîne. Ji bo ku pêvajoya ji aliyê Birêz Abdullah Ocalan ve hatî destpêkirin bêpirsgirêk bimeşe û tişta dikeve ser milê xwe bi cih bîne, divê ji bo wî şert û mercên ewlehiyê û azadiyê bên afirandin.”
