– Geşedanên piştî banga Rêber Apo ya Aştî û Civaka Demokratîk wê bên şopandin.
– Serhat Eren ji ber ku li ser perwerdehiya bi zimanê dayikê, nasname û mafên destûrî nîqaş nekiriye, komîsyon rexne kir û got, “Ev pirsgirêka Kurd e; dîroka wê ya sedsalan heye û bi ziman, çand û îradeya gel ve girêdayî ye. Ger hûn wê di çarçoveya terorê de sînordar bikin, çareserî ne pêkan e.”
– Dr. Hişyar Ozsoy diyar kir ku biryara PKK’ê ya çekberdanê derfetek dîrokî ye û bang li hikûmetê kir ku gavên şênber bavêje.
– Neviyê Şêx Seîd Hasan Basrî Firat diyar kir ku gelê Kurd, Rêber Apo wekî “serok û hakem” tayîn kiriye û wiha got: “Ev pêvajo bêyî azadiya Abdullah Ocalan nagihije armanca xwe.”
– Hevserokê GOÇ-DER’ê Murat Sari diyar kir ku sîstema cerdevantiyê li pêşiya vegera li gundan astengiyek cidî ye, divê ev astengî were rakirin.
– TJA, bi dirûşma ‘Bi hêvî ber bi azadiyê ve dimeşin’ ji Amedê ber bi Enqereyê ve dimeşe. Kesên ku wê di meşê de cih bigirin gotin: “Em ê ji bo dabînkirina aştî û dadê bimeşin. Em ê ji bo daxwazên xwe têkoşînê bidomînin.”
– Li navendên Kurdistan û Tirkiyeyê çalakiyên xizmên windayan û girtiyan wê bên şopandin.
– Festîvala Belgefilmê ya FilmAmed li Amedê dewam dike.
