Wezareta Veguhestinê ragihand ku ji duşemê heta înê hemû qada hewayî ya welat ji dronan re tê girtin.
Wezaretê diyar kir: “Danîmarka hefteya bê dê lîderên Ewropayê mêvandar bike û em ê girîngiyeke taybet bidin ewlehiyê.”
Ev biryar piştî çalakiyên gumanbar ên dronan ên di van rojên dawî de li welat hatin dîtin, hat girtin.
Ji 22’ê Îlonê ve li qada hewayî ya Danîmarkayê dronên nenas hatin dîtin. Ji ber van firînan hin balafirgeh ji bo demeke kurt hatin girtin û hate angaştkirin ku dibe Rûsya li pişt van bûyeran be.
Artêşa Danîmarkayê, dawiya hefteyê ji bo cara duyemîn pejirand ku li ser tesîsên leşkerî wesayîtên bêmeriv ên hewayî hatine dîtin.
Di daxuyaniya artêşê de wiha hate gotin: “Di şevê de li ser gelek tesîsên leşkerî dron hatin dîtin. Gelek tevdîr hatin girtin.” Lê belê hûrgilî nehatin parvekirin.
