Li gorî Ajansa Nûçeyan a Hawarê (ANHA), piştî ku doh êrişek ji aliyê komên çekdar ên hêzên hikumeta demkî ya Sûriyeyê ve li dijî Bendava Tişrînê û deverên derdora wê pêk hat, niha bêdengiyek heye.
Hate ragihandin ku li gel ku bêdengiyek heye, lê car bi car komên çekdar derdora bendavê topbaran dikin.
Duh jî Hêzên Sûriyeya Demokratîk (QSD) bi daxuyaniyekê diyar kiribû ku komên çekdar ên girêdayî hikumeta demkî çekên giran ên wekî tank û topavêj bi kar anîn; bendav û deverên derdorê topbaran kirin. QSDˊê dabû zanîn ku ev êriş li dijî avahiyên xizmetguzariyê û jiyana sivîlan xetereyeke mezin e.
QSD’ê diyar kiribû ku hikumeta demkî ya Sûriyeyê berpirsa van êrişan e û eşkere kiribû ku mafê hêzên wan e di çarçoveya parastina rewa de sivîl û avahiyên xizmetguzariyê biparêzin.
