Li bajarê Barcelona yê Spanyayê li Qesra Palau Robert a navdar pêşangeha “Jinên di navbera şeran de” hate vekirin. Di pêşangehê de işaret bi lehengiya jinan ên li Rojavayê Kurdistanê, Bakur û Rojhilatê Sûriyeyê, tecrûbeya şer, avakirina aştî û civakê hate kirin.
Bi taybetî têkoşîna Yekîneyên Parastina Jinê (YPJ), rola wan a li nava berxwedana li dijî “terorê”, parastina wekhevî û azadiyê û hewldanên wan ên ji bo jinûve avakirina jiyanê ya piştî şer hate vegotin.
Ji bo dengê şervanên jin ji cîhanê re bê ragihandin, biryar hate dayin ku pêşangeh li gelek bajarên Spanyayê û gelek welatên cuda bê vekirin.
Pêşangeha li bajarê Barcelonayê wê heta 30’ê Cotmehê dewam bike.
