AFP xwe gihand rapora nû ya Pirtûka Spî ku pêşkêşî Serokkomarê Senegalê hatiye kirin û ev rapor “Komkujiya Thiaroye” ronî dike.
Li gorî raporê, qetilkirina leşkerên Efrîkî yên artêşa mêtinger a Fransî (leşkerên ji Senegal, Perava Fîldîşî, Gîne û Volta Jorîn a ku niha navê wê Burkina Faso ye) komkujiyek “ji berê ve hatiye amadekirin” bû.
Leşkerên hatine qetilkirin di Şerê Cîhanê yê Duyemîn de ji bo Fransayê şer kiribûn û piştî vegeriyan daxwaza mûçeyên xwe yên mafdarî kiribûn.
Çavkaniyên fermî yên Fransî yên wê demê hejmara miriyan herî kêm 35 kes ragihandibûn. Lê rapora nû eşkere dike ku hejmar gelekî zêdetir e û dibe ku di navbera 300 û 400 kesan de be.
Rapor bal kişand ser bûyerê ku bi salan “bi awayekî sîstematîk hatiye veşartin” û di bîra dîrokî de wekî wekî “trawmayek kolektîf” hebûna xwe didomîne.
Komkujiya Thiaroye hîn jî li Senegal û li seranserê Efrîkaya Rojava birîneke kûr e. Pispor dibêjin ku ev rapor dibe ku di hevsengiya dîrokî ya di navbera Fransa û Efrîkayê de bibe werçerxek nû.
