Rojnamevan-nivîskar Huseyîn Aykol di 14’ê Cotmehê de li mala xwe ya li Enqereyê, xwîn çû ser mejiyê wî û rakirin Nexweşxaneya Perwerde û Lêkolînê ya Sîncanê. Li nexweşxaneyê jî du caran xwîn çû ser mejiyê wî û niha li beşa çavdêriya awarte tê tedawîkirin.
Aykol di dema tedawiyê de enfeksiyonê sihên girt û tedawiya wê didome. Bijîşk dan zanîn ku tansiyona Aykol her tim dikeve û hewl didin bi dermanan kontrol bikin. Hate hînbûn ku xetereya wî ya jiyanê dewam dike.
Serdanên ji bo nexweşxaneya Aykol lê tê tedawîkirin didomin. Di 15 rojên ku rojnamevan-nivîskar li lênerîna awarte de ye, serdanên parlementer, rojnamevan, nivîskar, rewşenbîr, parêzer û parêzvanên mafên mirovan çêbûn.
