Navenda Ragihandina Hêzên Sûriya Demokratîk (QSD) bi daxuyaniyekê ragihand ku Tîmên Operasyonên Taybet (TOL) ên QSDˊê li kampa Holê serçeteyekî DAÎŞˊê girt.
Di daxuyaniya Navenda Ragihandinê ya QSDˊê de ev agahî hatin parvekirin: “Di çarçoveya şerê berdewam ê li dijî terorê û rêxistina “DAÎŞˊê” ya terorîst û hewlên wê yên jinûve avakirina torên xwe yên nepenî de; TOLˊê yê QSDˊê di çarçoveya hevkariya xwe ya meydanî ya yekser bi hêzên Koalîsyona Navneteweyî re vê berbangê operasyonek ewlehiyê li hundirî kampa Holê li dar xist. Di encamê de serçeteyê terorîst ê bi navê Behai Mesîrî ˋEbî Ebdurehmanˊ ê Îraqî girt.
Ev operasyon, piştî karekî îstîxaratî ya kûr û demdirêj weke ketina nava binyada rêxistinî û şaneyên di hundirê kampê de veşartî ne, pêk hat. Hêzên me diyar kir ku kesê hatiye girtin roleke teware di çalakkirina şaneyên rêxistinê û hevkariya kiryarên leşkerkirina îdeolojî û leşkerî de dilîst, li kêlek wê jî teqemenî çêdikirin ku veguhêzin derveyî kampê û li dijî sivîl, hêz û saziyên xizmetguzarî bi armanca derxistina tevlihevî û derbekirina îstîqrarê bi kar bînin.
Erka vî terorî vejandina binesaziya rêxistinê li hundirê kampê û veguherandina wê bo platforma plankirin û birêvebirina şaneyan heta derveyî sînorê wê bû. Girtîna wî derbeyek kûr di dilê şiyanên rêxistinê de û xala bêbandorkirina werçerxî ya rêzepeywendî, kiryarên wî yên veberhênerê û tevgerên wî bû.
QSDˊê diyar dike ku kampa Holê ne pêkan e bibe qada çalakîbûna terorê û nahêle zehmetiyên niştecihî û penaberên veguhere welidîna nifşekî nû ji tundiyê.
Hêzên me destnîşan dikin ku hevkariya stratejîk bi hêzên Koalîsyona Navneteweyî re li gorî plana sîstematîk ji bo jiholêrakirina rêxistinê dewam dike û herêmên rizgarkirî veguherînin qadên ewlehî û îstîqrarê yên mayînde.
Berevaniya xelkê me erkekî pîroz e û siyaseteke bazarî li ser nabe ye. Em ê bi her rêbazên rewa berevaniya sivîlan bikin, ewlehiya mexdûran peyda bikin û nehêlin tu aliyek zehmetiyên penaberan veguherîne warekî ji bo terorê. Kî hewl bide jiyana mirovan û siberoja me bin pê bike wê li pêşiya xwe civakeke yekgirtî, hêza yasa û meydanê bibîne.”
