Kanîreşiyên li bajarên cuda yên Elmanyayê, ji bo xwedîderketina li nasname, çand û ruhê piştevaniya civakî ‘Şevbêrka Kanîreşê’ lidar xistin.
Şevbêrk ji aliyê Karlıova Deutschland Kultur Bildungsverein (Komeleya Çand û Perwerdeyê ya Elmanyayê ya Kanîreşê) ve li bajarê Wuppertalê hate birêxistinkirin û gelek kes tevlî bûn. Çalakî veguherî platforma piştevaniya çandî.
Hozan Şemdîn, Hozan Zozan, Huner Ayzon, Memozan û Ûlaş Kelaşîn derketin ser dikê û hunera xwe pêşkêş kirin.
Salona şevbêrkê jî bi rengê çandî yê Kanîreşê hate xemilandin. Hevserokên DEM Partiyê yên Kanîreşê jî bi telefonê peyam şandin ji şevbêrkê re.
Rayedarên komeleyê jî diyar kirin ku armanca wan ji çalakiyê xwedîderketina li çand û nasnameya li dîasporayê ye.
