Fermandariya Başûr a DYE’yê (Southcom) di 11’ê Mijdarê de piştrast kir ku keştî gihîştiye Karîbîkê. Keştiya balafiran a Ford bi fîloya ji çar balafirên şer û sê destroyerên fuzeyê li herêmê wezîfeyê dike. DYE ji Tebaxê û vir ve li Karîbîkê bi şeş keştiyên şer heman operasyonan dimeşîne.
Washington bicihkirina keştiyên balafiran weke operasyona têkoşîna li dijî bazirganiya narkotîkê pênase dike. Venezuela jî vê gavê weke ‘Hewldanek ji bo guhertina rejîmê’ bi nav kir û li dijî vê seferberiya leşkerî ya ‘girseyî’ da destpêkirin.
Serokdewletê Venezuelayê Nicolas Maduro anî ziman ku DYE bi bahaneya narkotîk çav berdaye petrola welatê wan ûg ot, “Eger pêwîstî pê hebe em ji şerekî rizgariya neteweyî re amade ne.”
Maduro diyar kir ku li tevahiya welêt ‘Komandoyên Parastina Hevgirtî’ hatiye avakirin. Wezîrê Parastinê Vladimir Padrino Lopez ragihand ku bi beşdariya 200.000 leşkerî tetbîqatên berfireh hatine destpêkirin.
