Li gorî rapora hevpar a du saziyan, li seranserê cîhanê li 16 herêmên krîtîk, nebaweriya xurekê zêde dibe û bi milyonan kes rûbirûyê xela yan jî xeteriya xelayê ne.
Di raporê de hate diyarkirin ku di welatên wekî Haîtî, Malî, Filîstîn, Sûdanê Başûr, Sûdan û Yemenê de gel xeteriya birçîbûnê ya di astekî bilind de jiyan dike.
Efxanîsan, Komara Demokratîk a Kongo, Myanmar, Nijerya, Somalî û Sûriye jî di nava welatên pir metirsîdar de cih girtin.
FAO û WFP’ê destnîşan kirin ku şer, krîzên aborî, bûyerên hewayî yên zêde û alîkariyên navneteweyî ku kêm dibin, rewşê xiraptir dike.
Li gorî NY’ê li hemberî pêwîstiya alîkariyê ya 29 milyar dolar, tenê 10,5 milyar dolar fon hatiye dabînkirin; ev jî rê li ber vekir ku alîkariyên xurekê yên ji bo penaberan bê birîn û li hin welatan jî bernameyên xwarinê yên dibîstanan bê rawestandin.
Dîrektorê WFP’ê Cindy McCAin wiha got, “Em li ber metirsiyeke xureke ya ku dikare rê li ber were girtin in. Eger dest bi tevgerê nekin, dibe ku bêaramîtî kûr bibe.”
Dîrektorê Giştî ya FAO’ê Qu Dongyu jî diyar kir ku ji bo parastina hiberîna çandînî pêwîstî bi fînasmana lezgîn heye û wiha got, “Pêşîlêgirtina li xalayê ne tenê erkekî exlaqî, di heman demê de razemeniya ji bo aştî û aramiyê ye.”
