Li Dersimê li dijî talankirina xwezayê nerazîbûna girseyî

Di mitînga ku bi dirûşmeya “Em ê rê nedin talan û rantê. Em ê bi ser kevin, jiyan dê bi ser keve” de Hevseroka Giştî ya DEM Partî Tulay Hatîmogullari û gelek welatî amade bûn.
Di daxuyaniya ku li ser navê platformê hate dayîn de, hate destnîşankirin ku projeyên madenê û talankirina xwezayê li Dersimê herêm gihandiye ber tunebûnê. Platform, li dijî hovîtiya ji ber madenan rû didin, firotina çavkaniyên avê û vekirina cihên olî ji bo bazirganiyê nerazîbûn nîşan da.
Platformê diyar kir ku, “Êrîşa li ser xwezayê êrîşa li ser gel e” got ku dê berxwedana gelê Dersimê yê rêxistinbûyî bidome.
Tulay Hatîmogullari, polîtîkayên madenê û rantê yên hikûmetê rexne kir û got, “Em jiyanê dixwazin, ne madenê.”
Tulay Hatîmogullari, destnîşan kir ku gelê Dersimê rêxistinkirî ye û li dijî hikûmetê li ber xwe dide.
Tulay Hatîmogullari, da zanîn ku di nava salek û nîv de 698 ruxsetên madenê li herêmê hatine dayîn û got ku 145 proje xwezayê tehdît dikin.
Tulay Hatîmogullari, diyar kir ku ew ji bo pêkanîna aştî, demokrasî û edalet di nava hewldanê de ne û got ku gelên ku rastî zilmên mezin hatine pêdiviya wan bi aştiyê heye.
Mitîng piştî ku welatiyên Dersimê nerazîbûn nîşanî talana xwezayê dan, bi konser û gerandina govendê bi dawî bû.