Ji bo gerîlayê HPG’ê Muhyedîn Edemen (Cûdî) ku di sala 1998’an de li navçeya Qabilcews a Êlihê şehîd bûbû li taxa Hilalê sersaxî hate danîn û bi beşdariya gelek kesan hate ziyaretkirin.
Bi pêşengiya Komeleya Piştevanî û Alîkariyê ya bi Malbatên Xizmên Xwe li Dergûşa Şaristaniyê Winda Kirine re (MEBYA-DER) û beşdariya nûnerên partiyên siyasî, rêxistinên sivîl û gelek kesan serdana sersaxiyê hate kirin.
Piştî deqeyek rêzgirtinê, endamê Meclisa DEM Partiyê Abdullah Gungen di serdanê de axivî. Gungen diyar kir ku divê her Kurd xwedî li nirxên xwe derkeve û got, “Werin em li kêleka Rêber Abdullah Ocalan bisekinin û vê pêvajoyê bi aştiyê tacîdar bikin. Xeyalên van hevalên ku jiyana xwe ji dest dan ew bû ku gelê Kurd bê naskirin. Bi şerê 52 salan re gelê Kurd hat naskirin. Ew ji tunebûnê derketin holê. Ji vê seatê û şûn ve têkoşîna çekdarî bi dawî bû. Niha dema siyaseta demokratîk e. Divê her heval rola xwe dikeve ser milê wan bi cih bîne.”
Piştre bi girseyî çûn serdana sersaxiya ji bo Guzel Adlig (Axîn) ku di sala 1996’an de li navçeya Tetwanê ya Bedlîsê şehîd bû û li taxa Huzurevlerî hatiye danîn.
Di serdanê de dirûşmeya “Şehîd namirin” hat berzkirin.
