Danişîna dawî ya doza ku têkildarî operasyona li Girtîgeha Bayrampaşa ya Stenbolê ku 12 girtiyan jiyana xwe ji dest dan û 194 leşker hatin darizandin, li 13’emîn Dadgeha Cezayê Giran a Dadgeha Bakirkoyê hate dîtin. Parêzerên bersûc û mexdûran beşdarî danişînê bûn.
Şandeya dadgehê destnîşan kir ku 22 sal û şeş meh li ser darizandinê derbas bûne û biryar da ku dozên cemaweriyê yên li dijî hemû bersûcan hatine vekirin ji ber demboriyê hemû bên xistin. Di biryarê de hat diyarkirin ku mafê îstînafê vekirî ye.
