Bi wesîleya 25’ê Mijdarê Roja Têkoşînê ya Navneteweyî ya li dijî Tundiya li Jinê wê li seranserê cîhanê li gelek cihan çalakî werin lidarxistin û Yekîtiya Jinên Kurd a Swîsreyê (YJK-S) jî bernameyeke berfireh amade kir. Li gelek kantonan panel û meş hatine plankirin û wê di 22’yê Mijdarê de li navenda Zurihê meşeke navendî û mitîngek were lidarxistin. Wê Hevseroka Giştî ya DBP’ê Çîgdem Kiliçgun Ûçar jî beşdarî çalakiyê bibe.
YJK-S’ê di daxuyaniya xwe de di serî de jin bang li her kesî kir ku beşdarî meş û mitînga ku wê li Helvetiaplatz a li Zurihê werin lidarxistin, bibin. Di daxuyaniyê de hate destnîşankirin ku jin pêşeroja civakê ne û ev yek hatin gotin:
‘’Em hemû jinên ku ji aliyê tundiya dewlet û mêran ve hatine qetilkirin bi bîr tînin; diyar dikin ku li hemberî pergala ku van komkujiyan pêk tîne, xwedî îradeya mezinkirina têkoşîna birêxistinkirî û topyekûn in. Divê pergalên ku ji hêza jinan ditirsin, bizanibin ku jin kirdeya civakê û temînata pêşerojê ne.’’
‘SEKINÎNA LI DIJÎ HEMÛ AWAYÊN TUNDIYÊ BERPIRSIYARIYEKE EXLAQÎ Û POLÎTÎK E’
YJK-S’ê di daxuyaniya xwe de li hemberî komkujiyên li ser jinan bal kişand ser têkoşîna birêxistinkirî. Di daxuyaniyê de behsa analîzên Rêber Apo yên têkildarî pergala patriyarkal jî hate kirin û ev yek hate gotin: ‘’Xwebirêxistinkirina kujerê kastîk, nîşan dide ku kirdeya ku di destpêkê de li dijî hemû beşên civakê têkoşiyaye, kiriye kole û qetil kiriye jin in. Ji ber vê yekê têkoşîna topyekûn ya li hemberî vê zîhniyetê erkekî mirovahiyê ye.’’
Di daxuyaniya ku li jinên ku li Swîsreyê dijîn banga têkoşînê hate kirin de, hate îfadekirin ku sekinîna li hemberî hemû awayên tundiya ku ji aliyê pergala serweriya mêran ve hatiye afirandin, berpirsiyariyeke exlaqî û polîtîk e. Her wiha di daxuyaniyê de hate destnîşankirin ku gotina; ‘’Kesê ku nizanibe bi jinekê re biaxive, nikare bibe sosyalîst’’ pîvana civaka azad û demokratîk e.
‘DIVÊ MÊR JÎ DI TÊKOŞÎNA LI DIJÎ TUNDIYA LI SER JINAN DE BERPIRSIYARIYAN BIGIRIN SER XWE’
YJK-S’ê diyar kir ku çalakiyên 25’ê Mijdarê yên ev bi salan e bes jin beşdar dibûn wê îsal tevlihev bin û mêr jî beşdar bibin. Hate diyarkirin ku di pirsgirêka jinan de hewcehî bi ji nû ve û rast pênasekirina têgehan heye û hate destnîşankirin ku divê mêr jî di nava têkoşîna li dijî tundiya li ser jinan de cih bigirin û berpirsiyariyan bigirin ser milên xwe.
Di daxuyaniyê de hate îfadekirin ku cihgirtina mêrên ku ji paradîgmaya Rêber Apo bawer dikin ya di nava vê têkoşînê di avakirina aşitiya civakî û civaka exlaqî û polîtîk de krîtereke sereke ye.
BERNAMEYA ÇALAKIYA NAVENDÎ
Cih: Helvetiaplatz – Zurih
Saet: 14.00
Dîrok: 22’yê Mijdara 2025’an, Şemî
BERNAMEYÊN PANEL Û ÇALAKIYAN
Zurih
Panel: 23’yê Mijdarê, Yekşem/ 14.00
Beşdarvan: Ayşe Acar Başaran, Psîkîyatrîst Oznûr Sonmez
Çalakî: 25’ê Mijdarê / 19.00 – Kreuzung/Pelikan, Bahnhofstrasse
Bern
Panel: Tundiya dewletê û rola jinan a di pêvajoyên aşitiyê de
24’ê Mijdarê, Duşem / 18.30
Beşdarvan: Yûrdûsev Ozsokmenler, Çîgdem Kiliçgun Ûçar
Luzern
Panel: Tundiya di nava malbatê de
22’ê Mijdarê, În / 17.00
Beşdarvan: Mûkaddes Alataş
Winterthur
Panel:Di derketina ji girêka tundiyê û xwegihandina azadiyê de rola jinan
26’ê Mijdarê, Çarşem/ 18.00
Beşdarvan: Çîgdem Kiliçgun Ûçar
St. Gallen
Panel: Dı şer û aşitiyê de jin
24’ê Mijdarê, Duşem / 14.00
Beşdarvan: Meral Çîçek
Çalakî: 29’ê Mijdarê, Şemî/ 18.00 – Schwarzer Engel
Lozan
Panel: Di pêvajoyên aşitî û civaka demokratîk de rola jinan
23’yê Mijdarê, Yekşem / 13.00
Beşdarvan: Çîgdem Kiliçgun Ûçar
24’ê Mijdarê: Hevdîtina li gel şaredarî û partiyên siyasî
Aarau
Panel: Di derketina ji girêda tundiyê de rola damezrîner a jinan
25’ê Mijdarê Sêsem/ 18.00
Beşdarvan: Çîgdem Kiliçgun Ûçar
Cenevre
Panel: Di têkoşîna li dijî tundiya li ser jinan de berpirsiyariya civakî
22’yê Mijdarê, Şemî/ 13.00
Beşdarvan: Fatma Şik, Hevseroka FEDA’yê Songul Aslan
Basel
Panel: Têkoşîna jinan a cîhanî- rêyên hevpar
23’yê Mijdarê, Yekşem / 19.00 – Qusol
Çalakî: 25’ê Mijdarê, / 18.00 – Marktplatz
Biel
Sînema: 21’ê Mijdarê, În / 18.30 – Biel NCDK
Çalakî: 25’ê Mijdarê, Sêşem / 18.30 – Oberregasse 11
Fribourg
Sînema: 23’yê Mijdarê, Yekşem / 17.00 – Fribourg NCDK
Chur
Panel: Di têkoşîna li dijî tundiya li ser jinan de zanedarbûna civakê
23’yê Mijdarê, Yekşem / 14.00 – Chur NCDK
