Komîsyona Demokrasî, Xwişk-Biratî û Piştevaniya Mîllî wê roja Înê bi rojeva serdana li Îmraliyê û hevdîtina bi Rêber Apo bicive.
Desteya Rêveberiya Navendî ya DEM Partiyê têkildarî vê serdana gengaz, nirxandinên koordînasyona komîsyonê di ber çavan re derbas dike û wê amadekariyên xwe li Desteya Rêveberiya Navendî biqedîne.
Daxuyaniya Serokê Giştî yê MHP’ê Devlet Bahçelî û partiyên din ên siyasî, biryara vekişîna hêzên gerîla ya ji herêma Zapê, bandora vê biryarê ya li ser qadê û berpirsyartiyên dikevin ser milê dewletê dê bi berfirehî bên nirxandin.
Yek ji rojevên din ên civînê jî qonaxa pêvajo gihiştiyê, pêwîstiyên hiqûqî û amadekariyên lijneyên hiqûqê yên partiyê yên ji bo verastkirinên zagonî ye.
Mijara din a rojeva civînê jî hevdîtinên budçeyê ne. Desteya Rêveberiya Navendî wê encamên kampanyaya ‘Em aştiyê dixwazin ji ber ku…’ jî binirxîne.
Di civînê de her wiha wê encamên cîbicînekirina biryara Dadgeha Mafên Mirovan a Ewropayê ya têkildarî Hevserokê Giştî yê HDP’ê yê berê Selahattîn Demîrtaş jî bên nîqaşkirin.
