Berdevkê Ajansa Rêveberiya Afatên Neteweyî (BNPB) Abdul Muharî ragihand ku di encama karesata ku li bajarên Bakurê Sûmatrayê, Rojhilatê Sûmatrayê û Acehê qewimî de, 217 kes hê jî winda ne.
Bîlançoya herî giran li Acehê hate tomarkirin, ku berê di tsunamî ya sala 2004’an de wêraneke mezin dîtibû.
Li Acehê hejmara miriyan derket 415 kesan, li Bakurê Sûmatrayê 349 kes û li Rojhilatê Sûmatrayê jî 242 kesan jiyana xwe ji dest dan.
Baranên mûsonî û bahozên tropîkal ên li seranserê Asyaya Başûr-Rojhilat bandor kirin, li gel Endonezyayê, li Malezya û Taylandê jî bûn sedema lehiyên nişkave û hezazên axê.
Saziya Meteorolojiyê ya Endonezyayê (BMKG) hişyarî da ku li gelek herêman, nemaze li Aceh û Sûmatrayê, şert û mercên hewayê yên zor giran dê berdewam bikin.
Ji ber karesatê bi sed hezaran kes bêmal man û gelek malbat li stargehên demkî dijîn.
Rayedaran ragihand ku zêdeyî 11,7 ton alîkariya mirovî gihîştiye herêmê û dest bi avakirina stargehên demkî hatiye kirin. Hate diyarkirin ku lêçûna ji nû ve avakirinê dikare bigihîje nêzîkî 3,1 milyar dolarî.
Hikûmet tê rexnekirin ji ber ku ji bo herêma karesatê Rewşa Awarte ya Neteweyî nehatiye ragihandin û banga alîkariya navneteweyî nehatiye kirin.
Serokê Endonezyayê Prabowo Subianto, di dawiya hefteyê de careke din serdana herêmê kir û got, xebatên alîkariyê didiomin û binesazî gav bi gav tê temîrkirin.
