Li gorî çavkaniyên xwecihî, li bajarên Humis û Laziqiyê hejmarek welatî di nav de zarokek di çend rojên borî de hatin revandin. Li kêlek wê jî li deverên hikumeta veguhêz a Sûriyeyê tevliheviya ewlehiyê didomin.
Çavkaniyan da zanîn ku roja duşemê dema Mereh Muhened Derwêş (16) dema diçû mala bapîrê xwe, li gel dermanxaneya Wîdad a li taxa Muhacirîn a Humsê, saet 14.00ˊan piştî nîvro hat revandin. Heta niha aqûbeta wê nayê zanîn.
Ciwana bi navê Yasmîn El Emorî ya Elewî tevî zarokê xwe Îlya El Hesen (3) şemiya borî hatin revandin. Her du, dema ji malbata dê û bavê xwe diçû mala xwe ya li taxa Kerem El Lewz a Humsê ku di navbera her du malan de 500 metre heye, hatin revandin.
Ji sibeha 12’ê Kanûnê ve, agahî ji ciwanê bi navê Basil Nasir Siqûr ê 36 salî qut b ûn. Ew ciwan li nava erdê xwe yê li gundê Cebel El Nawiye yê navçeya Selinfê yê gundewarê bakurê Laziqiyê dixebitî.
Hat diyarkirin ku ji 13ˊê Kanûnê ve, agahî ji Heysem Esas (20) û Hadî Nîzar Esaf (17) qut bûn. Hat gotin ku dema her duyan li gundê Mezêrea şîr difirotin hatine revandin.
Hat destnîşankirin ku hemû rewşên revandinê yên li Hums û Laziqiyê çêbûne li dijî gelê Elewî ne, hemwextî wê sûcên mezhebperestî li dijî pêkhateyên Sûriyeyê û rewşên tevliheviyê didomin.
