Di daxuyaniya FEDA û DAKB’ê de hate ragihandin ku di rojên Gaxanê de ku di hefteya sêyemîn a meha Kanûnê destpê dikin û heta hefteya destpêkê ya meha Çileyê dewam dike, sê rojên rojiyan nêta li hemberî mercên zivistanê yên zehmet e ku dikarin zerarê bidin can û malên mirovan. Di daxuyaniyê de hate gotin, ev rojî wê şîretê dike ku dilê mirovan neyê hiştin û parî bê parvekirin. Her wiha hate ragihandin ku cemên li cihên pîr û murşîtan têne gerandin jî zemînê manewî yê xwestek û aştiya civakî ava dikin.
‘GAXAN BANGA JINÛVE LIHEVKIRINÊ YE’
Di daxuyaniyê de hate destnîşankirin ku Gaxan ne tenê dawiya salvegerekê ye, ji bo jinûve lihevkirina bi xweza, mirov û civakê bang e. Hate bibîrxistin ku di Rêya Heq a Elewîtiyê de sala nû bi kîn, dijminatî û neheqiyê destpê nake û hate ragihandin ku Gaxan dema wan mirovan e ku dibêjin, “Bila destpêkê dil sererast be.”
‘HETA KU BAWERÎ NE AZAD BE, AŞTÎ JÎ NABE’
Di dewama daxuyaniyê de hate gotin, Gaxan aştî ye, heta ku bawerî azad nebin aştiyeke rasteqîn jî nabe. Hate bibîrxistin ku Elewî, Êzidî, Xiristiyan, Misilman û gel hemû divê li ser bingeha welatîbûna wekhev bi hev re bijîn û ev yek bi dilxwazî be.
FEDA û DAKB’ê diyar kirin ku rabûna li ber şer, înkar û dijminatiyê yek ji peyamên bingehîn ên Gaxan e û ragihandin ku ji ber şerê bi salan, gelan êşên giran kişandin. Hate gotin, “Aştî nebe ne edalet ne jî jiyana bi hev re dibe” û daxwaza aştiyeke mayinde hate bilêvkirin.
‘JIN AZAD NABE AŞTÎ JÎ AVA NABE’
Di daxuyaniyê de her wiha azadiya jinê hate destnîşankirin û hate gotin, li cihê ku jin tine bê hesibandin aştî jî ava nabe.
FEDA û DAKB’ê bi wesîleya Gaxanê ev bang kirin: “Werin em bi rûyekî pak dest bi sala nû bikin. Em dilê xwe vekin, sifreya xwe parve bikin. Em aştiyê taloq nekin. Ji ber ku aştî pariyê herî girîng e ku pêwîstiya vê xakê pê heye. Bila Gaxan be, parî yek be, dil yek be, rê yek be. Dilxwestî timî be.”
